គណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចណ៍ នៃព្រឹទ្ធសភា (គណៈកម្មការទី៧) ដឹកនាំដោយ ឯកឧត្តម ម៉ាន់ ឈឿន អនុប្រធានគណៈកម្មការ បានអនុញ្ញាតឱ្យឯកឧត្តម Florian TILLY, MVs នាយកប្រតិបត្តិអន្តរជាតិ នៃមូលនិធិមហាឫស្សីដើម្បីសន្តិភាពពិភពលោកប្រចាំកម្ពុជា ចូលជួបសម្តែងការគួរសម និងពិភាក្សាការងារ នៅសាលប្រជុំពិសេស៣ វិមានព្រឹទ្ធសភា នាព្រឹកថ្ងៃសុក្រ ៤កើត ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២០ ខែកុម្ភៈ ឆ្នាំ២០២៦។

ជំនួបពិភាក្សានេះផ្តោតសំខាន់លើការគាំទ្រមរតកសន្តិភាព និងស្ថិរភាពនៅកម្ពុជា និងសុំការគាំទ្រគំនិតផ្តួចផ្តើមថ្នាក់ជាតិសម្រាប់ ភាពមិនចុះចាញ់ ដោយការប្រើអភិក្រមផ្អែកលើមនសិការ ព្រមទាំងជួយផ្តល់យោបល់អំពីការគាំទ្រ និងកិច្ចសហការរវាងមូលធិនិមហាឫស្សី ជាមួយតំណាងព្រឹទ្ធសភាផងដែរ។

ប្រភព៖ នាយកដ្ឋានព័ត៌មាន